اضطراب

الناس في حالةاضطراب
وبلدنا حاكمها غراب
جايلنا راكب انقلاب
وكأننا عايشيين في غاب
بس احنا لو حتي في غاب
مكنش يحكمنا غراب

موعودة يا بلدي بأكل المش

موعودة يا بلدي بأكل المش
وحكامك يحبوا الغش
وﻻهينك في طبق الدش 
واعلامك قاعد بيّدش
في أي كلام

موعودة يا مصر 1

موعودة يا مصر 
في كل عصر
بطاغية
مش موجود في مصر
من اﻻمصار

قصة الدولة الخنثي

انا فين
مش عارف
دولة كدة متعرفلهاش شكل وﻻ لون تبقي محتار هي دكر ولا نتاية تشوف رئيسها بيترقص وبيتنّي تقول أكيد دي دولة طرية وكلها حنية.

 تمشي شوية في حواريها تلاقي جيش جرار متأهب وكأنه رايح معركة 
الخوف ماشي جنبك في الشارع والناس شايفينه وسايبينه واﻻٔسخف انهم مش شايفين انه حاجة غريبة دول كمان أعتادوا عليه وصاحبوه وتعايشوا معاه متعرفش ليه طب ايه يا جماعة خايفين من أيه محدش يرد عليك
المهم عشان أحل انا المشكلة اللي أكيد عندي أنا ﻷن الناس عايشة عادي وحياتهم ماشية بياكلوا ويشربوا ويسرقوا ويشتغلوا ويتجوزوا  قعدت أفكر ايه الدولة دي نظامها أيه وبعد تفكير عميك وصلت الي أن الدولة دي هي النموذج اﻷصيل للدولة الخنثي.
وطبعا أول ما فهمت أنا فين أتقبض عليا بتهمة الفهم بدون تصريح
ملحوظة أنا أكتب هذة السطور قبل ذهابي الي تنفيذ الاعدام بدقائق عقابا علي جريمة الفهم بدون تصريح أدعولي بالرحمة

أنتهت القصة

التسول أسلوب حياة

واضح أن التسول أصبح أسلوب حياة عند الشعب المصري بكل مستوياته وانواعه فبعد التسول اﻻقتصادي المتمثل في شحاتة الدولة للمعونات والدعم من كل من هب ودب بداية من اﻻموال وصولا الي البطاطين والبوكسرات فهل اكتفينا بهذا القدر من التسول.
لا بل أمتد هذا التسول حتي طال جانبنا اﻻبداعي المتمثل في الفن بكل انواعه بداية من المسرح الذي تستطيع أن تستخرج له شهادة الوفاة وأنت مطمئن الضمير مرورا بالمسلسلات التي أصبحنا متخصصون في تسولها من تركيا وكوريا والهند وحتي أننا ﻻ ندبلجها بالعامية المصرية بل نشاهدها بالدبلجة اللبنانية وذلك طبعا بعد التردي الرهيب الذي وصلت اليه مسلسلاتنا التي ﻻ يجوز رؤيتها لمن دون ال60سنة حتي ﻻ تثير أحط غرائزة لذلك أقترح ومن باب التجديد أن نضع علامة60+ قبل أي مسلسل مصري. أما عن أفلامنا المصرية فنحن قد تغلبنا علي بيروت في السبعينيات فيكفيني فقط أن أحيلك الي فيلم حلاوة روح وفيلم عبده موته لتعلم الي أي درك نزلنا.
وطبعا باقي أنواع الفن من كتابة ورسم وموسيقي بيعاني من أمراض تبيد شعب الصين.

نظرية بص العصفورة

نظرية بص العصفورة أو بص المزة (كما في الصورة) او اسلام البحيري أو خلع الحجاب او علم صافيناز.
اسماء تطبيقية لنظرية الالهاء العتيدة والتي تطبقها الحكومات لصرف انتباه الشعوب في اﻻوقات التي تجهز فيها مصيبة ما .
وشعوبنا العربية تستجيب بصورة غريبة للالهاء فبمجرد أن يقول لهم مخادع ما بصوا العصفورة ينظروا في اﻻتجاة الذي يشير  اليه بلا ادني تفكير فيعطيهم هذا المخادع القفا المحترم ويأتي افاق أخر ويمارس معهم نفس الخدعة ثم اخر ثم اخر وهكذا دواليك.

في قلبي أنثي عبرية (رواية تركت بداخلي علامة)

رواية فرقت معايا كتير جدا 
بتخليك تنظر الي كل الاشياء من منظور دعوي 
رواية تجعلك تفتخر باسلامك توضح مفاهيم خطيرة في نظرنا الي الاديان الاخري 
فالبطل فيها كان يقاتل اليهود _الصهاينة المحتلين الذين انتهكوا الارض والعرض_ ولكن ذلك لم يمنعه من الامل في دعوتهم الي الاسلام  لم يمنعة صوت الرصاص المدوي حولة من الاستماع الي صوت الصحابي الجليل ربعي بن عامر وهو يخاطب رستم قائد جيش الفرس ويقول له ان هدفنا كمسلمين هو اخراج الناس من عيادة الناس الي عبادة رب الناس، ومِنْ ضيق الدنيا إلى سَعَتها، ومن جَور الأديان إلى عَدْل الإِسلام.
رواية توضح ان مشكلتنا الازلية مع اليهود ليست لمجرد انهم يهود بل انهم أصل هذة المشكلة باعتدائهم علي كل ما هو جميل ورفضهم لقبول الاخر 
ادعوكم لقراءة هذة الرواية المحترمة جدا 
ومن قرأها يسعدني جدا ان أعرف رأيه فيها.
‫#تعالوا_نقرا‬
#في_قلبي_أنثى_عبرية
#نحو_مجتمع_مثقف
وده لينك التحميل

http://mybook4u.com/%D8%A3%D9%84%D8%A7%D8%AF%D8%A8-%D8%A7%D9%84%D8%B9%D8%B1%D8%A8%D9%89/%D8%B1%D9%88%D8%A7%D9%8A%D8%A7%D8%AA-%D8%B9%D8%B1%D8%A8%D9%8A%D8%A9/download/final/3038