مشهد رفض لجنة الفساد :

مجلس النواب يرفض بأغلبية أعضائه استحداث لجنة لمكافحة الفساد

تصور للحوار الذي دار بين النواب قبل التصويت ، وهو كالأتي :

 وجووم يسود علي وجوه معظم النواب ، فالموضوع محرج كيف سيرفضون مثل هذا القرار ، الي أن أخرجهم نائب ألمعي من هذا الحرج بقوله : حضرات السادة النواب دعونا نتفق أن أننا في الأغلب سنضار من هذا القرار

سكوت الي أن أنفجر أحدهم : بصراحة أه وكده المجلس ده يبقي جي علينا بخسارة ومش جايب هم الفلوس اللي  صرفناها عشان ندخله

صوت همهمات الاعضاء المؤيدين للكلام

الألمعي : طيب واللي يطلعلكم الموضوع فشنك

النواب : ازاي .. ياريت .. خلصنا

الألمعي : إحنا نقول أن مجتمعنا أصلا صالح جدا ونسب الفساد قليلة ولكن يجب علينا الابقاء عليها كما هي

النواب : وحد هيصدق الكلام الفارغ ده

الألمعي : استنوا بس لسه الخلاصة جاية

النواب : اتفضل يا سيدي قول

الألمعي : يجب علينا الابقاء علي نسبة معينة من الفساد لأن طبعا المثل بيقول الشئ لما بيزيد عن حد ينقلب لضده بمعني ان الصلاح في المجتمع لو زاد عن حده هينقلب لضده ويبقي تطرف و إرهاب .

سكوت

تصفيق عاصف .............